बालोद । आज 1 अगस्त को स्वर्गीय गौटिया परसराम यदु (मर्राकोना,मोटियारीडीह, देवरीडीह के मालगुजार) के 25 वी पुण्यतिथी के बेरा म ठेठवार यादव समाज ह सादर शत शत नमन,,,करे हे। समाज के सियान मन याद करत बोलिस कि आजीवन छत्तीसगढ़ राज्य निर्माण बर स्वर्गीय श्री डॉ खूबचंद बघेल साथ संघर्षरत रहेव,छत्तीसगढ़ राज्य निर्माण बर छत्तीसगढ़ भ्रातृसंघ के गठन होइस जेमा आप संस्थापक सदस्य अउ उपाध्यक्ष रहेव,अउ स्वर्गीय डॉ खूबचंद बघेल जी अध्यक्ष रहिस,,,स्वर्गीय डॉ साहब के निधन के बाद आप छत्तीसगढ़ भ्रातृसंघ के अध्यक्ष के कार्यभार ल सम्हाल के छत्तीसगढ़ राज्य निर्माण के आंदोलन के नेतृव करेव,,, बईला गाड़ी म आंदोलन करत आप मध्य प्रदेश गे रहेव ।अउ पहिली बार छत्तीसगढ़ निर्माण के चर्चा परिचर्चा विधानसभा म होईस।
आज हमर पीढ़ी ल आप जैसे पुरखा देवता के फेर अगोरा हे काबर की छत्तीसगढ़ राज्य बन तो गे,,फेर आप हमर पुरखा मन के सपना के छत्तीसगढ़ नहीं बन पाए,,,,
आप ल सादर शत शत नमन बबा जी,हमला गर्व हे आपके ऊपर,आपके बताए रद्दा म चलत हन।
छत्तीसगढ़ निर्माण के स्वपन दृष्टा स्व दाऊ परसराम यदु की पुण्यतिथि आज
